Paris Jackson fanu Isua lema a chan duh lotu an tam

Michael Jackson-a fanu Paris Jackson chu Habit film-ah Isua lemaah a chang dawn a, hei hi mi tam takin an duh lo a, a darh zau tur block turin mi 260,000 chuangin duh lohna petition an thehlut tih Fox News chuan a tarlang.

Habit-ah hian Bella Thorne pawh a chang dawn a, ani hi ruihhlo hmanga sumdawnna aṭanga a tal chhuah theihna atana 'nun' anga inchhal lemah a chang dawn a ni.

Habit duh lohna petition hi Change.org bulṭanna ziah a ni a, Isua 'lesbian' anga a chang tur chu an duh lo a ni. Mahse he film siamtute hian Jackson hian Isua chu 'lesbian' angin a lantir dawn tih engmah an sawi lang lo.

Habit hi pawl pakhat One Million Moms pawhin an duh lo tih lo sawi tawhin mipuiin an en theih lohna turin petition an lo siam tawh bawk. An petition siamah hian Kristian dodalna a nih thu leh rinna hruai sual thei a nih thu an tarlang. Mi 70,000 chuangin hetah pawh hian hming an ziak.

Paris Jackson channa film hi tlangzarh hun tur tarlan a la ni lo a, mi lar tak tak Josie Ho, Gavin Rossdale, Jamie Hince leh Alison Mosshart-te bakah model Andreja Pejic pawh a inlan dawn nia tarlan a ni tawh thung.