Kylie-i'n kum 21 a tling ve ta

American zinga billionaire ni thei naupang ber Kylie Jenner chuan nimin khan kum 21 a tling a, lawmpuitu a ngah hle.

American reality star leh makeup mogul hian a piancham thleng tur hi a uarlawk nasa hle a, Instagram lamah pawh a thlalak hmuh tur a awm nual. A fanu thla ruk mi Stormi nena an thlalak chu social media lamah a post a, a hit rem rem hle. "Ka hmangaih che ka fanu dut tak" tiin, American rapper Travis Scott laka a fa hmasa ber chungchang a sawi lang bawk.

Kylie piancham hi Kardashian family ten an lawm a, zanriah an kilho nghal bawk. Kylie Kristen Jenner hi Kardashian-Jenner family zinga naupang ber a ni.