Ṭhazual Gospel - Maruati

Ṭhazual Gospel chart-ah chart-a che ṭha ṭhin tak Maruati chuan 'Khum ka nuam' chu pakhatna a nihpui.

Khûmtu awm lo 'Khûm ka nuam'
Kum thum chhung a zawna Ṭhazual Gospel Best Female artist award dawng thei khawpa zai thiam leh hla nei mawi thei Maruati chuan nikum October thlaa a hla tihchhuah 'Khum ka nuam' chu pakhatna a nihpui.

He hla hi Gospel chart tihchhuah hnuhnung berah khan pahnihna a ni a, Maruati phuah hi ni nghe nghein a tihchhuah aṭanga thla hnih vel chauh a liam hnuah chart topper a ni der tawh. YouTube lamah pawh thlirtu nuai thum chuang an awm leh der tawh bawk.

He hla hi a mawiin Maruati hian a sa mawi bawk a, video hmuh a nuam bawk nen, chart chung bera Maruati hming a lang hi mak ti an awm a rinawm loh.

Pahnihna leh pathumna chu
Jenn Ralte hla 'Beiseina' chu pahnihna a ni thung a, chart hmasa lamah khan pathumna niin tunah chuan dinhmun ṭha lehzual zawkah a rawn inhlangkai ta a ni. Pathumna chu Melody Lalzirliani 'Enge sual tifai thei ang' kha a ni bawk.

Thelma Lalhmingthangi 'Ka damna thisen' chu palina a ni a, Project Van in nuam 'Van in nuam' pawh top 5-ah an rawn inhlangkai ve ta a ni.

Stacy hla pahnih a lang
Stacy VL Muanpuii hla 'A sawm che' chu parukna a nih bakah a hla tihchhuah thar ber 'Ka van in kawng' chu 10-na a ni bawk. Top 10-ah hian K Ngaihliana (Valtea), R Lalbiaksanga leh Seraphic Choir-te pawh an lang a ni.

Ṭhazual Gospel chart top 10:-
1 Maruati Khum ka nuam
2 Jenn Ralte Beiseina
3 Melody Lalzirliani Enge sual tifai thei ang
4 Thelma Lalhmingthangi Ka damna thisen
5 Project Van in nuam Van in nuam
6 Stacy VL Muanpuii A sawm che
7 K Ngaihliana (Valtea) Zion-ah
8 R. Lalbiaksanga I remruatna
9 Seraphic Choir Awma chu
10 Stacy VL Muanpuii Ka Van in kawng