North East Festival-ah Thanthani leh Angaihi Hlondo an inlan

January 7-9 chhun khan Radisson Blu Hotel, Guwahati-ah North East Festival neih a ni a, Fashion Show neih niin chutah chuan Miss Mizoram 2018 Thanthani leh model Angaihi Hlondo-te an inlan.

Thanthani leh Angaihi Hlondo-te hian Mizo designer Mami Khawlhring collection an ha a, Mami collection hi Mizo model pahnihte chiah hian an ha loa, hmarchhak model lar tak tak dangte pawhin an ha a ni. Mizo band Sound from the Hills hla 'Liandoa te unau' chu collection music atan an hmang bawk a ni.