'Ant-Man 3'-a misual tur Bill Murray

'Ant-Man and the Wasp: Quantumania'-ah lemchan thiam Bill Murray chu misual lemah a chang.

Kum 71 mi 'Ghostbusters' star hian American football quarterback ṭhin Eli Manning YouTube show-a a inlannaah hemi chungchang hi a sawi chhuak a ni. Ant-Man film pathumnaa a superpower tur eng nge tia an zawhna chu chhangin, "Ka thiltihtheihna chu, misual ka ni dawn," tiin a chhang a, chubak chu Ant-Man-a a inlan dan tur chungchang a sawi tam lo thung.

Nikum October thlaah khan Ant-Man 3-ah Bill Murray a chang ve dawn tih hi tarlan a lo ni tawh a, mahse eng role nge a chan dawn tih tarlan a la ni lo.

'Ant-Man and the Wasp: Quantumania' hi nakkum July thla tawpa tlangzarh turin an ruahman a, Paul Rudd, Evangeline Lilly, Michael Douglas leh Michelle Pfeiffer-te pawh an inlan leh dawn a ni.