Golden Globe Awards ; The Power of the Dog, Succession Leh West Side Story an langsar
Hollywood Foreign Press Association (HFPA)-in kumtina film leh TV show-a che ṭhate hnena chawimawina an pek ṭhin Golden Globe Awards vawi 79-na chu Pathianni khan sem a ni a, 'The Power of the Dog', 'Succession' leh 'West Side Story'-te chu langsar berin award pathum ṭheuh an dawng.
'The Power of the Dog' chuan Best motion picture - drama a dawn bakah he drama-a chang Kodi Smit-McPhee chuan Best Supporting Actor in a Motion Picture award a dawng a, director Jane Campion chuan Best Director award a dawng bawk. 'Succession' chuan Best Television Series- drama award a dawng a, achangtupa Jeremy Strong chu Best Actor in a Television Series-Drama award hlan niin, Sarah Snook chu Best Supporting Actress in a Series, Miniseries or Television Film-ah thlan a ni ve thung.
'West Side Story' chu Best Motion Picture- Musical or Comedy award dawngtu a ni a, changtunu Rachel Zegler chu Best Actress in a Motion Picture – Musical or Comedy award hlan a ni a, Ariana DeBose chuan Best Supporting Actress in a Motion Picture award a dawng ve bawk a ni.
79th Golden Globe Awards nomination list hi nikum December 13 khan rapper Snoop Dogg leh HFPA president Helen Hoehne-te'n an puangzar a, January 9 khan award hlanna hun hi private ceremony buatsaihin an nei a, eng network mahin an pe chhuak lo. Award dawngtute hi a hnuah thuchhuah siamin an tarlang chauh a ni.
79th Golden Globe Awards winner list ṭhenkhat:-
Best motion picture (drama) - The Power of the Dog
Best motion picture (musical or comedy) - West Side Story
Best actress in a motion picture (drama) - Nicole Kidman, Being the Ricardos
Best actor in a motion picture (drama) - Will Smith, King Richard
Best director (motion picture) - Jane Campion, The Power of the Dog
Best screenplay (motion picture) - Kenneth Branagh, Belfast
Best TV series (drama) - Succession
Best actress in a drama series - MJ Rodriguez, Pose
Best actor in a drama series - Jeremy Strong, Succession
Best TV series (musical or comedy) - Hacks
Best limited series or TV movie - The Underground Railroad