Zanin aṭangin TSAY Songsters Competition ṭan dawn

Territorial Salvation Army Youth (TSAY) Coun­cil buatsaih zai­pawl intihsiakna 'TSAY Songs­ters Competition' chu zanin aṭang hian ṭan a ni dawn a, India Eastern Territory huamchhunga Corps 23 an tel dawn a ni.

TSAY Songsters Com­petition hawnna hi Aizawl Temple Corps-ah neih a ni dawn a, intihsiakin a chhun­zawm nghal dawn a ni. August 17-ah first round zawh a ni ang a, August 18 zanah top 10 result puan a ni ang. Final hi September 1-ah neih tura ruahman a ni a, pakhatna chuan Rs.1,00,000/- an dawng dawn a ni.

September 2, Pathianni zanah lawmman semna inkhawm leh praise & worship neih a ni ang a, he hun hi Commissioner Lalzamlova, Territorial Commander chuan a hmanpui dawn a ni.

Lawmman lam
TSAY Songsters Compe­tition-ah hian lawmman ṭha tak a awm dawn a, pakhat­na hian Rs.1,00,000/- bakah, trophy leh citation an dawng dawn. Pahnihna leh pathumna ten Rs.50,000/- leh Rs.30,000/- bakah trophy leh citation an dawng bawk ang. Heng bakah hian top 10 chin ten pawisa leh citation an dawng vek bawk dawn a ni.

TSAY Songsters Com­petition hi Woodland Con­struc­tion chuan an sponsor a ni.