Lammualah Fake Love!

August 15 tlaiah BTS ngainatu zawng zawng chu Lammualah kal tur a ni - BTS hla chuam 'Fake Love' ah lam thiam rual an lam ang a, BTS ngaisangtu zawng zawngin ṭawiawm tur a ni!

LG Independence Cup final chu Nilaini tlai hian Lammualah khelh a ni dawn a, he football inelna sponsor-tu LG Electronics hian K-Pop boy band BTS chu khawvel huapa an mobile phone chawilartu atan brand ambassador-ah an hmang - hei vang hian Lammualah BTS hla hi an lampui dawn a ni.

LG Independence Cup final hmanpui tur hian LG Electronics-a vice president leh India-a an hotu lu ber Mr Ki Wan Kim chu Aizawlah a lo kal dawn a, ani hi final-ah hian khuallian a ni ang.

LG Electronics lam duh dan angin he hunah ngei mai hian LG mi leh sa BTS-te zaiah 'lam rûnpui' hi neih a ni dawn - tunah hian mi 200-300 rual chu he hlaa lam thei tura ngaih hi an ni tawh.

Billboard Music Awards-a 'Top Social Artist of the Year 2017' hian khawvel pumah ngainatu leh ngaisangtu an ngah hle a, Mizorama BTS ngainatute chu Lammualah kal khawm mai tur a ni.