Shakira-i'n Pique a thlawp

Colombian singer Shakira chuan a pasal Gerard Pique-a'n an ram Spain tana football khelh a chawlhsan chu a thlawp thu sawiin, ram tan a inpekna chu ropui a tih thu a sawi bawk.

Barcelona kulhpui pawimawh zinga mi Pique hian tun hnai khan ram tana inkhelh a chawlhsan thu a puang a, uitu pawh an tam hle. Hetih lai hian kum 31 mi thutlukna hi a nupui Shakira chuan a thlawp thu a sawi a, sulhnu ropui tak a hnutchhiah thei chu a chhuang tak zet tih social media kaltlangin a tarlang.

Shakira hian Instagram lamah a pasal nena an thlakdunna a tarlang a, ram tana vawi 102 zet a inlan thei chu chhuang takin a tarlang a ni. Pique leh Shakira te hi kum 2011 khan an innei a, fa pahnih an nei tawh a ni.