Kylie Jenner leh Travis Scott an inhual?

Keeping Up With the Kardashians star Kylie Jenner leh a kawppui Travis Scott te chu an inhual niin khwthlang media te chuan an tarlang a, thu chiang erawh a la awm lo thung.

American rapper Travis Scott leh Kylie te hi tun hnai khan an chhuak dun a, tlereuh zawrhna hmunah an inhual niin an sawi. Kylie hian a piancham a lawm zo deuh chauh a, hemi denchhen hian an inhual ta niin an tarlang a ni. Mita hmutute chuan an hlim dun hle a, zungbun pawh an lei dun a ni, an ti.

Travis leh Kylie te hian kumtir lam khan fanu Stormi Webster an nei a, inneih an tum hnai nia sawi pawh hi thil awm tak a ni. An chanchin hi hun eng emaw chen aṭang tawh khan khawthlang media te ngaihven ber pakhat a ni a, inhual anga thu thang awm pawh hi a darh chak hle a ni.

Travis Scott hian Kylie Jenner hi kum 21 a tlin lawmpui nan Classic Rolls Royce a pe nghe nghe a ni.