America-ah BTS an ropui

Korean by band lar BTS chuan an vanglai an chen mek zel a, khawvel ram ropui ber America-ah pawh an ropuina thupbo theih a ni lo. Recording Industry Association of America (RIAA) chuan tun hnai khan BTS hi an hla hit 'Fake Love' chu 'gold' an pek thu an puang.

US-ah hian BTS hian lawm an hlawh a, an hla sak a piang an larpui emaw tih mai tur a ni. RIAA hian hla 'hit' bik thlang chhuakin 'gold' an pe ṭhin a, chu chu zai mite tan chuan hlawhtlinna ropui tak pakhat a ni. BTS hian chutiang hlawhchhuak thei chu hla pathum zet an nei ta a, 'Fake Love' hi a pathumna chu a ni. Hemi hma hian 'DNA' leh 'Mic Drop' te chuan an lo hlawh­chhuak ve tawh bawk.

BTS hi K-pop zingah Billboard Hot 100 chart-ah top 10 inhlang kai thei hmasa ber an ni bawk.