‘Emily in Paris’ siam chhunzawm dawn

Netflix series hit ‘Emily in Paris’ chu season 3 leh 4 siam a ni leh dawn.

December 22-a Season 2 tihchhuah a nih khan Global Netflix Top 10-a a lan bakah ram 94 laiah topper a ni a, ni li chhungin darkar maktaduai 107.6 zet stream hman a ni.

Variety-in a tarlan dan chuan season 3 chu Paris lamah bawk an shoot leh dawn a, London hmun ṭhenkhatahte pawh an shoot dawn a nih hmel.

Comedy-drama series ‘Emily in Paris’hi October 2, 2020 khan tihchhuah ṭan a ni a, season khatah episode 10 zel awmin season hnih an tichhuak tawh a ni.