MDC-in Andrew hla thar dance version tichhuak

Mizo Dance Camp (MDC) chuan Andrew Laltlankima hla thar 'Lo Hnai Ang Che' tih chu dance concept version-in an tichhuak a, YouTube lamah en theihin a awm.

Andrew hian a hla thar hi Inrinni hin a tichhuak dawn a, official music video chhuah hmain a dance version tihchhuah hmasak a ni. MDC hian hla chi hrang hrang an lo cover tawh ṭhin a, en pawh a hlawh ṭhin hle. Tun ṭuma Andrew-a hla an cover pawh hi a hmunawm leh pek hle a, lam lama Mizo te hmasawnna hmuh theihin a awm.

He concept version hi hmeichhe pakhat tunlai khawvel changkannain a chim buai, a duh reng vang pawh ni lova a personal video social media lama thehdarh a nih avanga nun beidawnna a tlu ta chanchin a ni. Video hi Mizoram leh Manipur-ah te shoot a ni a, lam leh drama inpawlh a ni.

Alan Rinawma cho­reo­graph leh direct niin, Mizo Dance Camp team leh WeDance team, Ma­ni­pur te an thawkho. Mizo lamthiam ber ber - Glimmer Chhandami, Immanuel Sailo, Matthew Peka, Hoyabia Renthlei leh a dang tam tak an lang a ni.

'Lo Hnai Ang Che' tih hla hi social media hman dik loh avanga harsatna tawk ta chanchin tarlanna hla ṭha tak a ni.