Karnataka: Cauvery lui tuiin hlauhawm chhinchhiahna pel

Karnataka state-ah ruahsur nasa tak avangin harsatna a thleng mek a, Cauvery lui tui chuan hlauhawm chhinchhiahna a pel tawh bawk.

Ruahsur hian rel leh bus service thlengin a ti khaihlak a, Karnataka State Road Transport Corporation (KSRTC) bus service chu nimin khan ruah sur vang hian tihtawp a ni.

Karnataka State Natural Disaster Monitoring Centre (KSNDMC) chuan tuipui kama Udupi district-ah chuan darkar 24 chhungin ruah cm 35.7 zet a sur hman niin a sawi. Dakshina Kannada district-ah cm 33.8, Uttar Kannada-ah cm 33.6, Kodagu-ah cm 28.8, Chikkamagalulru-ah cm 25.12, Hassan-ah cm 24.5 leh Shivamogga district-ah ruah cm 33.6 an sur bawk.

Ruahsur hian hmun tam takah leimin a thlen bawk a, leiminin kawng ṭhenkhat a hnawh avnaign bus leh rel service pawh a bahhlah phah a ni.