Bethsy-i'n Zoram leilung a rap leh ta

Zaithiam Bethsy Lal­rinsangi chuan Canada ramah hun eng emaw chen rawngbawlna a neih hnuin Mizoram leilung a rap ve leh ta a, Ningani khan a lo thleng.

Bethsy-i hian June 25 khan Chin Christian Fellowship of Canada (CCFC) conference chhim turin Mizoram a chhuah­san a, Canada-a a cham chhung hian hmun hrang hrangah zaia rawngbawlna a nei a ni. CCFC ten zaia rawng­bawlna nei tura an sawmna hi remchangah lain Canada lama Zo­hnah­­thlak te chuan rawng­bawlna nei turin hian an chelh zui a ni.

A cham chhung hian Van­couver, Winnipeg, Toronto, Ottawa, Calgary leh hmun dang dangah rawngbawlna hi a nei a, lawm pawh a hlawh hle. Kohhran hrang hrang tlawh kuala hun a hman hnuin dam takin a lo let leh ta a ni.

Bethsy-i hian khawvel ram hrang hrangah rawngbawlna a nei nasa hle a, Canada bakah hian USA leh Australia bakah, Europe ram hrang hrang te a lo fang tawh bawk.

Zohnahthlak hrang hrangte buatsaih CCFC conference hi Calgary, Alberta-ah neih niin, palai 400 vel an tel a ni.