MTV VMA Khuhhawngtu tur - Cardi B

August 21 hian MTV Video Music Award chu sem a ni dawn ta a, American rapper Cardi B chuan award ceremony hi akhuh hawng dawn a ni. MTV VMA hi Radio City Music Hall, New York-ah sem a ni ang.

Cardi B hian thla hmasa lawk khan nau a hring a, Bruno Mars '24K Magic World Tour' aṭang pawhin a inhnukdawk a ni. Tunah chuan stage-a che tla turin a inpeih leh tawh a, MTV Video Music Award-ah show opener a ni dawn. 'Bodak Yellow' singer chuan, "Ka phur tawh tak zet a ni. Award dawng thei tura chawpchhuah zinga ka tel thei hi ka lawm a, perform tur ka nih bawk vangin a thuah hnih hle a ni," tiin a phur tawh thu a sawi.

Cardi B bakah hian American musical duo - Beyoncé leh Jay-Z (The Carters) te chu perform tur zingah an tel a, thawm pawh an nei lian hle. The Carters hian Cardi B ang bawkin nomination an hmu nual a, award an hum haw a nih pawhin a mak lo ang.