Billboard ; Mariah Carey thawm a reh a, Adele bawk a rawn langsar leh ta

Kum a thar ta bawk a, Billboard chart aṭangin Mariah Carey leh Michael Buble-te ho chu an Masi hla ho nen an inpu chhuak leh ta a, tunah chuan Adele bawk a rawn langsar leh ta rih.

Hot 100 topper Adele, Artist 100-ah pawh Adele
Kar hmasa lamah kha chuan Hot 100 chart lamah hian 'All I Want for Christmas is You' tih vel an la chambang bawk nen, Adele hla hit 'Easy on Me' hi pahnihna a ni a, tunah erawh pakhatna a rawn ni ta.

Adele hian he hla hi kar 13 chhung Hot 100 chart-ah he hla hi a lanpui tawh a, a hun tam ber chu top 3-ah a hmang nghe nghe a, pakhatna phei chu kar tam tak a ni tawh.

The Kid LAROI & Justin Bieber 'Stay' pawh a rawn invawrh leh ta a, parukna aṭangin pahnihnaah a rawn zuang kai leh tawh. Pathumna chu Glass Animals 'Heat Waves' niin Ed Sheeran 'Shivers' chu palina a ni ve bawk.

Artist 100 chart lamah pawh Adele bawk hi pakhatna a ni a, Taylor Swift chu pahnihna niin Ed Sheeran chu pathumna a ni thung.

'Encanto' soundtrack US mipuite'n an ngaithla nasa ber
Kar hmasa chhung khan US mipuite chuan 'Encanto' soundtrack an ngaithla nasa ber a, Billboard 200 chart-ah pawh pakhatna a ni hial.

Kum hnih dawn lai chu Billboard 200 chart chung berah hian film soundtrack a awm tawh loa, Frozen II soundtrack kar khat chhung topper a rawn nih ve zuai hnuah khan 'Encanto soundtrack' hi topper rawn ni leh thei hmasa ber a ni.

Adele bawk langsar lehin '30' chu he chart-ah hian pahnihna a nihpui a, nikum chhunga US-a album lar bera MRC Data-in an tarlan Morgan Wallen 'Dangerous: The Double Album' chu pathumna a ni ve leh bawk. Olivia Rodrigo 'Sour' chu palina ani a, Taylor Swift 'Red (Taylor's Version)' chu pangana a ni ve bawk.

Billboard 200 top 10:-
1 Encanto Soundtrack
2 30 Adele
3 Dangerous: The Double Album Morgan Wallen
4 Sour Olivia Rodrigo
5 Red (Taylor's Version) Taylor Swift
6 Certified Lover Boy Drake
7 Planet Her Doja Cat
8 The Highlights The Weeknd
9 Fighting Demons Juice WRLD
10 Hall Of Fame Polo G

The Hot 100 top 5:-
1 Easy On Me Adele
2 Stay The Kid LAROI & Justin Bieber
3 Heat Waves Glass Animals
4 Shivers Ed Sheeran
5 We Don't Talk About Bruno Carolina Gaitan, Mauro Castillo,
Adassa, Rhenzy Feliz, Diane