Oppo A16K India ramah tlangzarh

13th January, 2022

Oppo A16K chu nimin khan India ramah tlangzarh a ni.

Oppo phone thar hi Oppo A16 variant chi khat, man tlawm zawka lei theih tura duan niin waterdrop-style display notch a hman bakah octa-core MediaTek Helio G35 SoC a hmang. Rawng chi thum- a dum, a var leh a pawlte an rawn siam a, a camera-ah chuan Stylish Filters, Backlit HDR, Dazzle Color Mode, leh Night Filters feature-te an rawn dah bawk.

Connectivity option-ah chuan 4G LTE, Wi-Fi, Bluetooth, GPS/ A-GPS, Micro-USB, leh 3.5mm headphone jack-te a awm a, 4,230mAh battery hmangin Super Night-time Standby, Optimized Night Charging, leh Superpower Saving Mode-te an dah a ni.

India ramah chuan Rs. 10,490-in an zuar a, Oppo India online store bakah site hrang hrangah lei tur a awm.

Oppo A16K Key Specs:-
Display 6.52-inch
Processor MediaTek Helio G35
Front Camera 5-megapixel
Rear Camera 13-megapixel
RAM 3GB
Storage 32GB
Battery Capacity 4230mAh
OS Android 11
Resolution 1600x720 pixels