Arise 2018 top 5 a hriat ta
Aizawl khawpui chhunga ṬKP Unit hrang hrangte inelna tura buatsaih, Arise 2018-a band leh worship dance inelna neih mek chu a hmawr bawk a hnai ta a, top 5-a tling te pawh hriat a ni ta.
August 16 &17 zan khan band top 10 intihsiakna hi neih a ni a, top 5-ah band paruk an tling. August 23 hian top 5 te hi an intihsiak leh dawn a ni. August 24, Zirtawpni zanah worship dance top 5 intihsiak a awm dawn bawk a, hemi zan hian result puan nghal a ni tawh ang.
Band & Worship Dance-a pakhatna hian Rs. 50,000/- ve ve an dawng dawn a, mimal lawmman chi hrang hrang siam a ni bawk.
Zai leh lam hmanga intihsiak Arise 2018 hi top 20 aṭang khan Chanmari YMA Hall-ah neih a ni a, Zonet leh LPS-ah live a pekchhuah a ni.
Worship Dance top 5 :
1. The Purpose - ṬKP Chaltlang unit
2. ṬKP Aizawl west Unit
3. The Anchor - ṬKP Central Unit.
4. By Faith- ṬKP Chawnpui Unit
5. Shalom- ṬKP Shalom Unit.
Band top 5 :
1. ṬKP Central Unit (Central Church Band)
2. ṬKP Chaltlang Unit (Davida Perhkhuang)
3. ṬKP Bethlehem Vengthlang Unit (Divine Fire)
4. ṬKP Aizawl West Unit (Rock of Ages)
5. ṬKP Bawngkawn Unit (Skylark)
6. ṬKP Ramhlun North Unit (Soteria)