Backstreet Boys concert-ah mi 14 an hliam

American vocal group inthuai thar leh mek Back­street Boys chuan Inrin­ni khan Oklahoma-ah concert neih an tum a, mahse an tum leh beisei angin thil a thleng lo. Show neih dawnah thli leh ruah nasa tak a thawk a, concert-na hmun chhuahsan tuma innekbuainah mi 14 an hliam a ni.

Thlipui hian thil tih­chhiah pawh a nei nual a, fans pungkhawm te an chiai nasa hle a ni. Chhuah tuma gate-a an inchilbuaina lamah hliam tuar eng emaw zat an awm a, hospital panpui an ni.

Group member Nick Carter leh Kevin Richardson te chuan vanduaina thleng hi pawi an tih thu an sawi a, hliam tuar te an tawrhpui thu an sawi bawk. Hliam zinga mi pahnih chu chhuah tir leh nghal an ni a, ngaituahawm lutuk an awm lo a ni.

Concert-na hmun hi Ligh­thorse Police leh Okla­homa Highway Patrol te pawhin an pan ve nghal a, chhan­chhuah hna an thawk a ni.

Backstreet Boys chuan thuchhuah siamin, "Van­duaina thlenga hliam tuarte kan tawrhpui tak zet a, dam leh thuai turin duhsakna kan hlan a ni. He hmunah vek hian concert hi neih leh tum a ni, lo beidawng suh u," tiin, fan te an ṭawng thlamuan.