Israel-ah Lana Del Rey perform dawn

Artist tam takin Israel-a perform an duh loh laiin, American singer Lana Del Rey chu thla thar khian Israel-a Meteor Festival-ah a inlan dawn. Lana Del Rey hian thutlukna huaisen tak a siam a, chutih rual chuan sawiselna tawk nasa hle a ni.

Israel hian Palestine ram eng emaw zat a luah avangin khawvel ram hrang hrangin an sawisel nasa hle a, international artist tam tak pawhin an ram an tlawh duh loh phah. Hetih lai hian thla thara Meteor Festival neih turah Del Rey chuan a perform tur thu a puang chiang ta a ni.

Grammy Award pawh lo dawng tawh Del Rey chuan, "Israel-ah hian politics thil avanga kal tur ka ni lo a, festival-ah ka perform mai dawn a ni. Sawiselna tam tak ka tawk ngei dawn tih ka hria a, chutih rual chuan remna leh muanna a awm theihna tura hmanraw pawimawh tak a ni thei a ni," tiin, a thutlukna siam chungchang a sawichhuak.

September 6-8 chhung khian Meteor Festival hi neih a ni dawn a, 'In My Feelings' singer Del Rey bakah hian, A$AP Ferg, Pusha T, Flying Lotus leh Ariel Pink te pawh perform tur zingah hian an tel a ni.