Third round ṭan a ni dawn ta
Mizo Idol 2018 intihsiak boruak a sang chho zel a, TV lama lo thlirtute tan pawh mit leh beng a tlai ṭan hle. Zanin aṭangin third round ṭan a ni leh tawh dawn a, second round paltlang mi 30 an zai dawn.
August 18, Inrinni zan khan second round result puan a ni a, mi 60 in third round an lut. Third round lut te hi zanin leh naktuk zan hian an intihsiak dawn a, zan khatah mi 30 ve ve an inlan ang.
District hrang hrang - Aizawl, Champhai, Lunglei, Serchhip, Lawngtlai, Siaha leh Kolasib aṭang tein an inlan dawn a, Manipur aṭanga tling pawh a la awm cheu bawk. Ṭum dang ang bawkin zaninah pawh endiktute lu tihai tak tak an awm leh nawk dawn a, chu chuan intihsiak boruak pawh a tinung zual a ni.
Guest judge - Feli Fanai
'Pheichheh mawi i khai ang aw' tih hla hmanga Zoram mipui min lo awi tlei tawh ṭhintu Feli Fanai ngei mai kha Mizo Idol-ah a inlan dawn. A perform dawn tih lam a ni lo thung a, guest judge tur a ni.
Feli Fanai hi third round neih chhungin guest judge a ni dawn a, a thu leh hla ngaihtlak a chakawm tawh hle.
Judge ṭha tak tak- Robin Lalremruata, Feli Thanguah leh Rinzaua Sailo te an ṭhu leh dawn bawk. Chutih rual chuan contestant-te tan boruak ngam ve deuh a ngai dawn a, chetsual a thiang dawn lo.
Guitar, Keyboard & Kajon
Third round aṭang hian musical instrument pathum - Guitar, Keyboard leh Kajon chhawp chhuah a ni dawn a, a vai erawh chuan hman a remchang dawn lo. Contestant ten an duh pahnih an thlang thei dawn a, music instrument hman thiam a pawimawh dawn hle a ni. Musical instrument te hi Zonet Studio-ah chhawp a ni dawn.
Third round aṭang hi chuan hla chang hnih leh a thunawn sak a ngai tawh dawn a, inbuatsaihna pawh a hautak hret dawn. Chutih rual chuan TV lam aṭanga lo thlirtu tan chuan a manhla sawt dawn tihna a ni a, mahni ṭan zawngte zai ngaithlak chhung a rei sawt dawn tihna a ni!
Mizo Idol, Season 6-ah hian tel an ṭhahnem hle a, audition paltlang pawh chhiar tham fe an ni. Chung zinga a ṭha zual thlan chhuahte chuan Idol nih tumin intihsiak hautak zawk an hmachhawn chho dawn a ni.
ZANINA ZAI TUR TE
SN. HMING KHUA DISTRICT
1. Zomuansangi Khumtung / Chaltlang Lily Serchhip
2. Zaithanpuia Kawlni Vaivakawn Aizawl
3. VL Daniel-a Khawzawl Arro Champhai
4. Vanlalruatdiki Khawzawl Arro Champhai
5. Vanlalrohluii (Duati) Salem Veng, Lunglei Lunglei
6. Ticos Darhmingliana Chhinga Veng Aizawl
7. Rualthansanga Khiangte NE Khawdungsei / Ramhlun Venglai Champhai
8. Ricky Liansangpuia Kawlkulh N / Tuikual N Champhai
9. Rebec Malsawmmawii Chawngtlai / Saron Veng Champhai
10. Ramdinthari Zion Veng Champhai
11. R.Lalmalsawmi Chawnpui Aizawl
12. R. Lalrinsanga Kulikawn Aizawl
13. R. Lalhruaitluanga Vengsang Champhai
14. Peter Lalnunpuia Chanmari West Aizawl
15. PC Lallawmsangi Rahsi Veng, Lunglei Lunglei
16. Naom Vanhmunmawii Chhinga Veng Aizawl
17. Morris Haulien-a Kawnpui/ Chaltlang Venglai CCPur,Manipur
18. Mesak Lalawmpuia Ralte Rahsi Veng, Lunglei Lunglei
19. Marina Lalrinawmi Maubawk Vengthar Siaha
20. Malsawmdawngkimi Vengthar, Kolasib Kolasib
21. Lydia Lalhruaizeli Pachuau Mission Vengthlang Aizawl
22. Lucy Lallawmsangi Kawlkulh / Thakthing Champhai
23. Linda Lalthlamuani Model Veng Aizawl
24. Lalthanmawia Zotlang, Champhai Champhai
25. Laltanpuii Kulikawn Aizawl
26. Lalrutmawii Bethel Veng, Lawngtlai Lawngtlai
27. Lalruatpuii Chhangte Thenhlum / Thuampui Lunglei
28. Lalruatdika Dinthar Aizawl
29. Lalrindiki Chhiahtlang Chanmari Serchhip
30. Lalramnghaki Hlimen Aizawl