MTV VMA Award sem a ni ta ; Artist of the Year - Camila Cabello
MTV Video Music Award chu nimin zing khan Radio City Music Hall, New York-ah a vawi 35 nan sem a ni leh ta a, American-Cuban singer Camila Cabello chu Artist of the Year atan thlan a ni. Cardi B leh Childish Gambino te chuan award pathum ve ve an humhaw bawk.
Cardi B chuan Award ceremony hi a khuh hawng a, boruak a hot nghal hle. A hmunah hian milar funkhawm an ṭhahnem hle a, zaithiam perform te pawh an che ṭha hlawh hle. Chung zinga sawi hmaih theih miah loh chu Jennifer Lopez a ni.
Camila Cabello chu mimala langsar ber pawl a ni a, award ngaihlut pahnih- Video of the Year leh Artist of the Year te a dawng a ni. A hla hit 'Havana' chu Video of the Year atan thlan a ni a, Artist of the Year a nih theih chhanah pawh kawngro thui tak a su a tih theih.
Award dawngtu zingah Cardi B leh Childish Gambino te an langsar a, chawimawina dawng hnem ber an ni. American hmeichhe rapper Cardi B hi Best New Artist atan thlan a ni. Anni pahnih bakah hian Post Malone, Arina Grande, Jennifer Lopez, Nicki Minaj leh The Carters te chu an langsar viau bawk.
American rapper lar Post Malone chuan a hla hit 'Rockstar' hmangin Song of the Year award a dawng a, Best Hip Hop Video award chu Nicki Minaj kutah hlan a ni. Ariana Grande chuan 'No Tears Left to Cry' hmangin Best Pop Video award a dawng a, Jennifer Lopez, DJ Khaled leh Cardi B te chu thawkho ṭha ber atan thlan an ni bawk.
'The Carters' an tih mai Jay-Z leh Beyonce te chuan award pahnih an hum haw ve bawk. Award dawng zingah hian Swedish DJ lar thi ta Avicii pawh a tel a ni.
MTV VMA Award Winner
Artist of the Year : Camila Cabello
Song of the Year : Post Malone 'Rockstar ft. 21 Savage'
Best New Artist : Cardi B
Video of the Year : Camila Cabello 'Havana ft. Young Thug'
Best Collaboration : Jennifer Lopez - 'Dinero' ft. DJ Khaled & Cardi B
Best Pop Video : Ariana Grande 'No Tears Left to Cry'
Best Hip Hop Video : Nicki Minaj 'Chun-Li'
Best Dance Video : Avicii 'Lonely Together' ft. Rita Ora
Best Latin Video : J Balvin 'Mi Gente' ft. Willy William
Best Rock Video : Imagine Dragons 'Whatever It Takes'
'Best Cinematography : The Carters 'APES**T''
Best Direction : Childish Gambino 'This Is America'
Best Art Direction : The Carters 'APES**T''
Best Visual Effects : Kendrick Lamar & SZA 'All The Stars'
'Best Editing : N.E.R.D 'Lemon' ft. Rihanna
Song of Summer : Cardi B, Bad Bunny & J Balvin 'I Like It'