Tute nge inlan?

Cardi B chu MTV VMA Award ceremony-a perform hmasa ber a ni a, che ṭha ber leh sawi zui hat erawh Jennifer Lopez a i thung. Cardi B hi a che chhia tihna a ni lo a, J.Lo hian a hliah hneh em vang zawk a ni.

Kum 49 lai ni tawh mah se Jennifer Lopez kan hmuh ṭhin ang kha hmuh tur a la awm a, stage-a a che tla vel chu hmuhnawm tak a ni! A hla hit hrang hrang thur chhuakin a sa kual a, 'Hit on the florr' a sak lai phei chuan entu mipui thawm a ring ṭha hem hem hle. DJ Khaled chuan a ṭawiawm bawk a, MTV VMA Award-a che ṭha ber tih ngam a ni. American singer hian Video Vanguard Award a dawng nghe nghe.

Ariana Grande chuan a hla thar 'God Is a Woman' a perform a, mipui lawm a hlawh hle. Nicki Minaj chu stage luah lumtu zinga chena ber pawl a ni bawk a, Post Malone chu mipui lawm ber pakhat a ni. Canadian singer Shawn Mendes chu mipui lawm hlawh a ni bawk a, American rapper chanchin ngah ve tak Travis Scott pawh a inlan a, a kawppui Kylie Jenner chuan a ṭawiawm a ni. Anni pahnih hi mipui mit fukna ber pakhat an ni a, red carpet-ah pawh photographer te tin zawn ber pakhat an ni.