India ramah Oppo F9 Pro tlangzarh a ni ta

Chinese mobile communi­cation company lian Oppo chuan an model thar Oppo F9 Pro chu nimin khan India ramah an tlangzarh ve leh ta. Oppo F9 Pro tlangzarhna hi Mumbai khawpuiah neih niin, state dang rualin hmarchakah pawh tlangzarh ve nghal a ni.

Oppo F9 Pro hi super VOOC flash charging technology hmanga thuam a ni a, waterdrop screen a ni bawk.

Tun laia phone chhuak thar dang te ang bawkin a battery a rintlak viau dawn a, 3500 mAh a ni ang. Helio P60 processor niin, a RAM pawh a hman tlak dawn viau a, 6GB RAM niin, 64 GB internal storage a ni bawk.

A display hi 6.3-inch full-HD niin, a front camera pawh dual-rear camera a ni. Tun lai ṭhalai te duhzawng hriaiin a camera pawh an ṭhuam ṭha hle a, 16MP primary camera a awm bakah, secondary camera pawh 2MP sensor a ni bawk. A front camera hi 25MP lai a ni bawk.

Oppo F9 Pro hi Rs. 23,990/- man tur a ni dawn a, tunlai phone chhuak thar zingah chuan hman ngaihven hlawh ber pawl a ni.