Third Round hmawrbawk zan Nakzanah top 20 tling a hriat dawn
Zaninah Mizo Idol 2018, third round hmawrbawk a ni dawn a, mi 30 an inlan leh dawn. Naktuk August 24 zan hian result puan a ni ang a, top 20 tling a hriat tawh dawn.
Nizan khan third round intihsiak hmasa zawk neih a ni a, contestant che ṭha tak tak an awm. Judge te pawhin an fak tak tak an awm nual a, stage a san tawh avangin inbuatsaihna pawh an nei ṭha tih a hriat. Intihsiak boruak a nung ṭha a, TV lama lo thlirtute tan pawh en a man hla sawt hle.
A vawikhat nan Mizo Idol Season 6-ah guest judge kan hmu ṭan a, Feli Fanai thu leh hla ngaithlak a manhla viau. Zaninah pawh Feli hi a ṭhu leh dawn bawk.
Zanin hian District hrang hrang aṭanga zaithiam thlanchhuah te an inlan leh dawn a, top 20 tling turin chet ṭhat a pawimawh dawn hle a ni. Musical instrument changtlung zawk nena intihsiak hmachhawn zui zel duh tan zanina chet ṭhat hian kawng ro a su dawn hle a, Mizo Idol nih tum tak tak tan chetsual a thiang tawh lo.
Top 20 chu
Kum dangah chuan top 50 thlan ṭhin a ni a, chuta ṭang chuan top 20 an thlang leh ṭhin. Kuminah erawh third round-a zai mi 60 zing aṭangin a thiam zual mi 20 thlanchhuah an ni dawn a, a tam zawk an tla dawn tihna a ni. Talent nei ṭha an vanneih rualin, inbuatsaihna nei ṭha tan pawh kawng zau takin hawn a ni bawk.
Top 20 intihsiak hi August 29 leh 30 zanah Zonet Studio-ah chhunzawm leh tur a ni a, top 10 aṭang erawh chuan hmun dangah intihsiakna hi neih a ni tawh ang.
ZANINA ZAI TUR TE
SN. HMING KHUA / DISTRICT
1. Lalramkima Chawilung / Maubawk Aizawl
2. Lalramhlua Renthlei (Tetea) Armed Veng South Aizawl
3. Lalnunsangi Lengpui Vengthar / Chanmari West Mamit
4. Lalmuanchhani Mauchar Kolasib
5. Lalmalsawma Khatla East Aizawl
6. Lalhmangaihthangi Cherhlun / Tlangnuam Lunglei
7. Lalengkimi Thingdawl, Kawnveng Kolasib
8. Lalduhsangi Ralte Serchhip Chanmari Serchhip
9. Lalduhawmi Ruallung / Chaltlang Lily Veng Aizawl
10. Lalchungnunga College Veng, Kolasib Kolasib
11. Lalchungbiaka Zuangtui Aizawl
12. Lalchhandami Zawlnuam / Bungkawn Kolasib
13. Laizaitinthangi New Siaha, Siaha Siaha
14. K. Lalvenhimi Hnahthial / Chanmari Lunglei
15. Juliet Lalruatpuii Diakkawn, Kolasib Kolasib
16. Jonathan Lalengzauva Pangzawl Lunglei
17. Jerry Lalrinawma Chanmari Aizawl
18. Jeffrey Lallawmsanga Tuikual North Aizawl
19. Jakob Lalnunsiama Vengthar, Kolasib Kolasib
20. Isaac Lalruatfela Armed Veng Aizawl
21. Immanuel Lalawmpuii Zemabawk Aizawl
22. H.Vanlalzawmpuii Lawngtlai,Chandmary Lawngtlai
23. H Lalnunsiami Electric Veng Champhai
24. F. Rebeck Lallawmzuali S. Vanlaiphai Lunglei
25. Esther Lalhruaimawii Bungkawn Vengthar Aizawl
26. Dansangpuii Maubawk Venglai Aizawl
27. Carolyne C. Vanlalchhanhimi Chawngte ‘P’ Lawngtlai
28. C. Malsawmtluangi Khanpui / Armed Veng South Kolasib
29. C. Lalnunpuii Mission Veng Aizawl
30. Andrew K. Lalchhandama Darlawn / Bawngkawn East Aizawl