Lehkhabu rotling 'Mitin tan Media' tlangzarh

Hmanlai aṭanga tunlai thlenga medai hman ṭhin ho awm khawmna, 'Mi tin tan Media' tih lehkhabu H.Lalmuanpuia ziah chu nimin khan Vanglaini Joint Editor, Lalnghinglova Hmar chuan a tlangzarh a, vawiin aṭangin lei theih a ni.

Lehkhabu hi mi tin huapzo tura duan niin, thriat­thiam awl tak taka ziah a ni. Media lama hriatna thuk zawk leh zau zawk ziahna lehkhabuah hian Media ṭobul leh a ṭhen hran dan te, chanchinbu kalhmang leh thlalak dan chipchiar tak thlengin tarlan a ni.

A ziaktu hi YouTube lama 'Misualpa' tia hriat hlawh tak hi a ni.

Heng dawrah te hian a lei theih :
Lianchhungi Book Store (Bara Bazar)
RL Nutei Book Agencies (Bara Bazar)
Zomi Book Store (Bara Bazar)
CVL BASS (Grace Nursing Home bul Lower Zarkawt)
Elandz Offset Printers (Chanmari West, Presbyterian Church Opposite)
Mimal leh pawl a zuar duh tan heng number-ah hian a biak theih bawk e. Contact : 8118912642/8575960845