Madonna-i'n a kuang lo a nawr?

Thawhlehni zinga MTV video music award sem chuan thawm a nei lian hle a, a zawh hnu thleng pawhin titi a la tam hle. American singer madona chu a thusawi avangin sawi zui hlawh ber a ni a, selna pawh a dawng hnem hle a awm a, a insawifiah chul mai.

Madonna hian MTV video music awards ceremony-ah hian tun hnaia boral American singer Aretha Franklin chungchang a sawi a, ama chungchang pawh a sawi lang bawk. A thusawi avang hian dem a hlawh let hlauh thung a, a incheina thlengin an sel sak a ni.

'Queen of Pop' hi mah­ni chanchin sawi uar lutukah an puh a, Aretha Franklin chungchang a sawi dan pawh an sawisel sak bawk. Mahse Madona chuan heng zawng zawng hi a tawn ve tur rengah a ngaih thu sawiin, tihsual a neih loh thu a sawi. MTV video music award-ah hian Madona hi a inlan a, kum 60 mi lai ni tawh mah se a inthuam danin a zir bawka mipui mit fukna ber pakhat a la ni.