The Ronettes star Ronnie Spector a thi

1960's chhoa pop group lar tak ni ṭhin The Ronettes member Ronnie Spector chu kum 78 mi niin cancer vangin Nilaini khan a thi.

The Ronettes hi an hunlai chuan an lar ṭhin hle a, Billboard Hot 100-a lang phak hla pakua lai neiin 'Be My Baby', 'Baby, I Love You', '(The Best Part of) Breakin' Up' leh 'Walking in the Rain'-te chu an hla lar zual niin studio album erawh pakhat chiah an tlangzarh. Mahse he album hi Rolling Stones "The 500 Greatest Albums of All Time" list-ah a lang phak thung a, 422-na a ni.

Ronnie Spector hi an lead singer niin a manager Jonathan Greenfield nen kum 1982 khan an innei a, fapa pahnih an nei a ni.