Science & Environment ; 'Sea Dragon' fossil upa tawh tak UK-ah lai chhuak

United Kingdom-a zirmite chuan kum maktaduai 180 laia upa ichthyosaur, ‘sea dragon' tia hriat fossil an lai chhuak.

Zirmite chuan an thil hmuh chhuah chu UK leh a chhehvela an fossil hmuh chhuah pawimawh ber zinga mi a ni tih an sawi a, fossil lian ber leh a ruhrel kim ber a nih thu an sawi. An hmuh chhuahna hmun hi Rutland county-ah a ni a, a ruhrel chu metre 10 dawn laia sei a ni.

Leicestershire and Rutland Wildlife Trust-a mi conservation team leader Joe Davis chu a hmu chhuak hmasa bertu niin chirhah a zangruh niawm tak a hmuh hnuah hma hi an la ta a ni.

Ichthyosaurs-te hi dolphin ang deuh pian hmang nei an ni a, mithiamte chuan kum maktaduai 90 vel liam taah khan an mang tawh niin an ngai.