Jason Momoa leh Lisa Bonet an inṭhen

Jason Momoa leh Lisa Bonet-te chuan thuchhuah inṭawm siamin an inṭhen thu an puang.

Kum 42 mi Jason Mamoa chuan Nilaini khan Instagram lamah hemi chungchang hi sawiin, a nupui, kum 54 mi Bonet nen chuan an inṭhen tih a tarlang

Aquaman star chuan, "Kan chhungkaw chanchin kan rawn tarlang e, kan nupa chuan inṭhen zai kan rel ta a ni. He thu kan puanzar chhan hi newsworthy a nih vang ni loin, kan nunkawng kan zawh zelna tura zawhawm leh dik taka kan nun theihna tura puangzar kan ni zawk," tiin Instagram lamah a ziak a ni.

Mamoa leh lemchan thiam Zoe Kravitz nu Bonet-te hi kum 2017 khan inneiin, fapa Nakoa-Wolf, leh fanu Lola an nei hman nghe nghe.

'Game of Thrones' star Mamoa leh 'High Fidelity' star Bonet-te hi kum 2005 aṭang daih tawh khan inzui ṭan tawhin mi ṭhenkhat phei chuan kum 2007 velah khan an innei daih tawhah an ngai hial a, mahse October, 2017 khan an innei chuah a ni.