Kylie Jenner leh a IG record thar chu...

Hmeichhe zingah instagram-a follower ngah ber Kylie chu follower mtd. 300 a nei tling tawh ■

Keeping Up with the Kardashians star Kylie Jenner chu hmeichhe zinga Instagram lama follower maktaduai 300 nei tling thei hmasa ber a ni ta.

Kylie Cosmetics founder, fa pahnihna nei tura inbuatsaih mek chuan khawvel hmeichhe zinga IG lama follower ngah ber ni ṭhin Ariana Grande chu tunhnai khan a lo khum tawh a, Ningani khan follower maktaduai 300 nei tlingin hmeichhe zinga hetiang zat follower nei tling thei hmasa ber hi a ni ta a ni.

Hetihlai hian footballer Cristiano Ronaldo chu mihring account follower ngah ber a la ni reng a, tunah hian follower maktaduai 390 vel a nei mek a, a dawtah chuan Kylie hi niin Messi chu pathumna a ni thung.

Instagram-a account follower ngah ber chu Instagram account a ni.