MGK leh Megan Fox an inhual

Megan Fox chuan Ningani khan a bialpa Machine Gun Kelly nen an inhual thu Instagram kaltlangin a puangzar.

'Transformers' star hian IG lamah hian MGK-in a propose lai video a dah a, a caption-ah chuan January 11-ah khan an inhual tih a ziak lang tel bawk. MGK, a hming tak Colson Baker pawh hian an inhual ta tih hi IG lamah a tarlang ve tho bawk a ni.

Megan Fox hian kum 2006 khan lemchan thiam Brian Austin Green chu a lo inhualpui tawh a, kum 2009 khan an inhualna hi an titawp leh nia tarlan ni mah se kum 2010 khan an innei a , fa pawh pathum lai an nei hman hial a, mahse kum 2015 vel aṭang khan an inkarah thawm neuh neuh awmin nikum October thlaah an inṭhen fel chauh thung.

MGK leh Fox-te hian June, 2020-ah khan an inngaihzawn thu hi an puangzar a, Ningani khan an inhual thu hi an puangzar leh ta a ni.