Travis Scott-a'n Stormi thlalak tarlang ve ta

Travis Scott chuan Kylie Jenner laka a fa Stormi Webster chu social media lamah a thlalak a tarlang ve ta. Stormi hi kumin February khan a piang a, Kylie-i'n chhuang takin a thlalak tarlang ṭhin mah se pa ber erawh a reh vang vang a ni.

Travis Scott chuan Stormi thlalak hi instagram-ah a post a, an sawi zui nasa lek pek hle. American rapper Travis Scott leh model Kylie Jenner te hian an inzui aṭanga thla 10 vel lekah fa an nei a, hei vang hian an fanu chungchangah hian sawi neuh neuh a tam hle a ni. Heng vel avang hian Kylie pawhin a fanu thlalak hi social media lamah hun eng emaw tichhung chu a post loh phah nghe nghe.

Scott leh Kylie te hian zawhna an dawng fo a, an inkar thu pawh an sawi chhuah phah fo a ni. Kylie phei chuan Scott nen hian an chen dun ngei thu tun hnai khan a sawi chhuak a ni. Milar an ni bawk a, an chanchin hi a chhia a ṭhain a darh chak thei hle.