Priyanka Chopra & Nick Jonas October-ah an innei dawn?

An chhungte hriatpui leh ṭawiawmna thlapa an inhual hnu lawkah an inneih hun tur an sawi ri leh ta a, October an tinzawn niin an sawi mauh mai. Priyanka Chopra leh Nick Jonas te chanchin hian ngaihven a hlawh a, titi leng vak pawh a tam hle.

Media te chuan American singer Nick Jonas leh Indian actress Priyanka te hi October thla khian an innei dawn niin an sawi a, a hmun tur nen lam an tarlang. Italy-ah an inkutsuih dawn niin an sawi a, a ni erawh tarlan a ni lo. Mahse heng zawng zawng hi official-a puan a la nih loh avangin, khual thuthang mai pawh a ni thei tih hriat tel a ṭha.

Hetiang boruak a awm mek lai hian an ṭhian hnai tak Meghan Markle chu an inneihna-ah a inlan dawn leh dawn loh an inrinsiak nasa hle bawk. Markle hi May thla khan Prince Harry nen an innei a, hemi ṭum hian Priyanka hi sawmbik zing­ah telin, a phusa ber pawlah a ṭang a ni.

Priyanka leh Nick Jonas te hi tun hnai khan Mumbai-ah an inhual a, an chhungte ve vein an ṭawiawm. Engagement ceremony-a an cake cheimawi nan ringawt rangkachak 24-carat zet an hmang a ni!