Mizo Idol 2018 ; Top 20-ah mi 25 an tling ; Mipa aiin hmeichhia an thiam zawk
Zonet buatsaih Mizo Idol Season 6, top 20 result chu nizan khan puan a ni ta a, mi 25 an tling. Top 20-a tling zingah mipa aiin hmeichhia an tam zawk a, mipa 10 an tlin laiin, hmeichhia chu mi 15 an tling a ni.
Third round intihsiakah mi 60 an zai a, chuta ṭang chuan a thiam zual thlanchhuah leh an ni. Contestant an ṭhat tlan em avangin endik hna thawktute pawhin top 20-ah mi 25 an tlin tir a ni. District malah chuan Aizawl aṭanga tling an tam ber a, Manipur aṭanga tling pakhat a la awm ve bawk.
Hmeichhia an langsar
Mizo Idol 2018-ah hian contestant 500 chuang an awm a, a tam zawk chu hmeichhia an ni. Third round-a inlan mi 60 zingah pawh mipa an tlem zawk a, top 20 lut pawh mi 10 chauh an ni. Intihsiakna hautak zawk hmachhawn tura tling tam zawk pawh hmeichhia an ni a, mi 15 an tling a ni.
Aizawl an chungnung
District hrang hrangah audition neih a ni a, Aizawl Audition-a tel an tam ber. Top 20 lut mi 25 zinga mi 12 an ni. Champhai, Lunglei leh Kolasib aṭangin mi pathum ṭheuh an tling bawk a, Serchhip, Lawngtlai, Siaha leh Manipur ten pakhat ṭheuh an thawh ve bawk.
August 29 aṭangin
Top 20 intihsiak hi August 29 leh 30 zanah neih a ni dawn a, music track a hman theih tawh dawn. Intihsiak hi Zonet Studio-ah neih leh tur a ni dawn a, Zonet Zawlbuk-ah live-a pekchhuah leh a ni ang.
TOP 20-A TLING TE
SN. Hming Veng/Khua District
1. Lalthanmawia Champhai Zotlang Champhai
2. Lalduhawmi Ruallung/Chaltlang Lily Veng Aizawl
3. Morris Haulien-a Kawnpui, CCPur/Chaltlang Venglai Manipur
4. Juliet Lalruatpuii Kolasib Diakkawn Kolasib
5. Vanlalrohlui (Duati) Lunglei Salem Veng Lunglei
6. H.Vanlalzawmpuii Lawngtlai, Chandmary Lawngtlai
7. Isaac Lalruatfela Armed Veng Aizawl
8. Ramdinthari Champhai Zion Veng Champhai
9. Zaithanpuia Kawlni Vaivakawn Aizawl
10. Lalduhsangi Ralte Serchhip Chanmari Serchhip
11. Marina Lalrinawmi Amobyu Vaihthie,(Maubawk Vengthar) Siaha
12. F. Rebeck Lallawmzuali S. Vanlaiphai Lunglei
13. Lalramhlua Renthlei (Tetea) Armed Veng South Aizawl
14. Lalchhandami Zawlnuam/Bungkawn Kolasib
15. Laltanpuii Kulikawn Aizawl
16. Malsawmdawngkimi Kolasib Vengthar Kolasib
17. Linda Lalthlamuani Model Veng Aizawl
18. Peter Lalnunpuia Chanmari West Aizawl
19. Jerry Lalrinawma Chanmari Aizawl
20. Jonathan Lalengzauva Pangzawl Lunglei
21. Ticos Darhmingliana Chhinga Veng Aizawl
22. R.Lalmalsawmi Chawnpui Aizawl
23. Andrew K. Lalchhandama Darlawn/Bawngkawn East Aizawl
24. H Lalnunsiami Champhai Electric Veng Champhai
25. Immanuel Lalawmpuii Zemabawk Aizawl