Shakira-i'n Houston-ah lawm a hlawh

Colombian singer Shakira chuan Houston, Toyota Center-ah Nilaini zan khan concert a nei a, lawm a hlwh hle. A concert chhimtu hi an ṭhahnem hle a, ticket pawh an hralh zo vek a ni.

Shakira hian El Dorado World Tour a nei mek a, North America lamah show hlawhtling tak tak a nei. Nilaini zana a concert pawh hi mipuiin an hlut hle a, Toyota Center-a leng lo khawp mipui an pungkhawm a ni. Houston-ah hian January thla concert tur kha a ni zawk a, mahse vocal chord lamah harsatna a tawh avangin a hun sawn a ni. A hun takah inlan thei lo mah se a ropuina erawh a dai chuang lo a ni.

Shakira hian kum sarih zet liam hnua a vawikhat nan August 28 & 29 hian Los Angeles-ah concert a nei leh dawn a, tun apangin a thawm a ring tawh hle. A show neih leh turah hian designer Juan Carlos Obando leh Brian Lichtenberg te thuam a inbel dawn a, chu ngawt pawh chu titi a tling.

El Dorado World Tour hi June thla aṭang khan a ṭan a, show ṭum 50 chuang a neih hnuah November 3 khian Colombia-ah a hmawr a bawk dawn a ni.