Angelina Jolie & Brad Pitt A thuphungin inrem!

Innei leh turin an inrem tihna lam a ni lo a, an fate enkawl chungchang zawk a ni. Angelina Jolie leh Brad Pitt te chuan an fate enkawl chung­changa court-in thupek a siam sak chu a thuphungin an pawm a, fate thlah thlam lo turin an intiam.

American film star lar Angelina Jolie leh Brad Pitt te hi September 2016 khan an inṭhen a, Jolie hian an fate paruk chu a enkawl a ni. Jolie hian an fate enkawl chungchangah hian tha thawh ve loah Pitt hi a puh a, sum pawh seng loah a puh bawk. Hemi vang hian court-ah a zualko a, an fate enkawl kawngah sum leh pai seng dun turin thu a pe ta a ni. Hei hi a thu phung chuan an pawm tawh a, court thupek hi final ala ni lo thung.

Hetih lai hian Brad Pitt hian Jolie puhna hi a pha thung a, an chenna tur leh an inenkalwna turin $mtd 8 zet a seng niin a sawi. Heng bakah hian $mtd 1.3 vel chu an fate tan hian a thehchhuak tawh tih a sawi bawk.

Pitt leh Jolie te hian fa paruk - Maddox (16), Pax (14), Zahara (13), Shiloh (12) leh phir Vivienne leh Knox te an nei a, hmeiche awm nem zawk tan chuan enkawl hautak tham tur tak a ni.