A vawi thum nan rehab-ah Ben Affleck

Zu avanga buaina tawk nasa tak American actor Ben Affleck chu a vawi thum nan rehab-ah bawk a lut leh ta.

Kum 46 mi Ben Affleck hi kum 2001 khan rehab-ah dah a lo ni tawh a, nikum khan hun eng emaw chen a lo awm tawh bawk. Ṭha takin a chhuak emaw tih hnua a nun hluiah bawk a kir leh a, inenkalwna ṭha zawk beisein rehab bawk a bel leh ta a ni.

'Justice League' star Ben Affleck hi ruihlo bawiha a tan avangin a talbuai fo a, a nupui Jenni­fer Garner nen pawh kum 2015 khan an lo inṭhen tawh a ni. Kum 10 chhung duh taka an inpawm hnuah an inṭhen a, nikum khan an inkar chingfel turin court-ah an zualko a, an chungthu hi relfel sak an an la ni lo thung.

Ben Affleck leh Gar­ner te hian fa pathum an nei tawh a, a upa ber Violet Affleck pawh kum 12 mi chauh a la ni. Nu ber Garner hian an fate hi pa enkawlna tel loa an ṭhan len a hlau hle niin an sawi a, tuna rehab-a a luh leh chhan pawh hi Garner ngenna vang niin an tarlang.

Ben Affleck hi eng chen nge rehab-ah hian a awm dawn tarlan a ni lo thung.