DHANDHA, Mizo ṭawnga chhiar tur a awm ta

Khawvela sumdawng thiam hmingthang, Gujarati-te sumdawn dan chanchin ngaihnawm tak ziahna lehkhabu DHANDHA (sumdawnna) chu Richard Zongte, Tripura Civil Service-in Mizo ṭawnga a lehlin chu Mizo mipui te chhiar theih turin Baryl Vanneihsangi, AMC Councillor-in, HMS Restaurant, Ṭhuampui-ah Zirtawpni liam ta khan a tlangzarh.

He lehkhabuah hian USA lama inbengbel ta Gujarati chhungkaw pangate bulṭan dan leh sumdawn dan chanchin ziah a ni a, finna zirchhuah tur tam tak awmin Mizo ṭhalaite leh sumdawngte tana lehkhabu ṭha tak tura ngaih a ni.

Copy khat chu Rs. 200 man a ni a, Synod Bookroom, Baptist Book-room leh lehkhabu dawr hrang hrang bakah mimal zuartute hnen aṭangin a lei theih a ni. Pawl leh mimal anga zuar duh tan 9862712079 leh 9862664120-ahte ngaihven theih a ni bawk ang.