Netflix-in 'Red Notice' chhunzawmna pahnih siam an tum

Dwayne 'The Rock Johnson', Gal Gadot leh Ryan Reynolds-te channa action comedy film 'Red Notice' chu a chhunzawmna pahnih siam turin ruahmanna an siam.

A changtu pathum Dwayne 'The Rock Johnson', Gal Gadot leh Ryan Reynolds-te pawh a chhunzawmnaah hian an inlan leh vek dawn niin an sawi a, Rawson Marshall Thurber bawk director seat-a ṭhu leh tura beisei a nih bakah nakkum kum tir lamah hian chan ṭan mai an tum tawh niin an sawi.

'Red Notice' hi nikum November thla tirah khan tlangzarh niin an tlangzarh kara Netflix-a film an en nasat ber niin Netflix-a film tlangzarh, ni 28 chhunga en hlawh ber a ni bawk.