Lionel Richie-a'n 2022 Gershwin Prize a dawng dawn

American singer Lionel Richie chuan 2022 Gershwin Prize for Popular Song a dawng dawn a, Library of Congress chuan Ningani khan hemi chungchang hi an puang a ni.

Pop & R&B superstar hian March 9 hian Washington D.C-ah he chawimawina hi a dawng dawn. Richie hi he chawimawina dawng tur 12-na chiah a ni dawn a, Stevie Wonder (2009) leh Smokey Robinson (2016)-te pawh he chawimawina dawng tawh zingah hian an tel.

Kum 72 mi Richie chuan thuchhuah siamin,"Ka damchhunga ka ngaihhlut tawh tur chawimawina a ni a, Gershwin Prize for Popular Song award ka dawng tur hi ka lawm hle a ni," tiin a sawi.