Ṭhalaite tana mentorship programme GOAL

Ministry of Tribal Affairs nena thawkdun Mission Foundation Movement thuchhuah chuan Mizo ṭhalai tam takin ṭangkai taka an chhawr theih tur, mentorship programme chu sorkar laipui leh Facebook-in an buatsaih tih an tarlang.

Ministry of Tribal Affairs (MoTA), sorkar laipui leh Facebook India ṭangkawp chuan tribal ṭhalaite tan  Mentorship Programme: Going Online as Leaders (GOAL) an chhawp chhuak a, tribal thalaite zingah Digital Literacy, Life skills, Leadership leh Entrepreneurship lama thiamna changtlung zawk pek chu a tum ber a ni.

Business, Education, Health, Politics leh Arts lama tuite tan Mentor (Zirtirtu) leh Mentees (Zirlai) kawng an siamsak a ni. GOAL Program hnuaiah hian mentor leh mentees lak a ni dawn a, mentoring leh training hi thla 9 (kar 36) a ni ang a, Digital hmangin Programme hi kalpui a ni ang. 

Zirlai (Mentees) tana hriattur :

India Khua leh tui Kum 18- 35 inkar, Sumdawnna, Zirna, Hriselna lam, Music, Politics, Arts bakah Entrepreneurship lama tui, Mentees thlan­chhuah te hian kum 1 chhung Smartphone Internet connection awmsa an dawng ang. Organization-ah Internship an kaldan tur ruahman pui an ni dawn bawk. Tha taka zote tan sorkar leh Facebook aṭangin Certificate an dawng ang.

Experience nei ṭha leh mi kaihruai thiam an ni tur a ni a, hlawh a awm dawn lo, opportunity ṭha tak a ni thung. Mithiam tak tak nena thawhhona a nih bakah, Mentor profile hi portal-ah dah a ni ang a, Joint Certificate pek an ni bawk ang. Registration hi goal.tribal.gov.in ah tih theih a ni a, hrechiang duh tan facebook-goal@tribal.gov.in leh Social welfare & Tribal affairs Dept leh MFM Office ah zawhfiah theih a ni. July 15 thleng registration a tih theih.