Box Office-ah Black Panther che ṭha
Fantasy/Science fiction film, Black Panther chu film chhuak tawh zinga North American Box Office-a sum lalut hnem top 3-ah a tel phak a, $mtd 700 chuang zet a lalut tawh.
Black Panther hi January 29 khan tlangzarh a ni a, February thla aṭangin North America-ah hian chhuah a ni. A tir chawlhkar hmasa berah $mtd 242 a lalut nghal a, kar liam ta thleng khan sum ṭha hnem tak a la hailut. Blu-ray leh DVD tichhuah hnuah pawh a sum lakluh hi a pung thur thur a, khawvel hmun dang aṭanga a lakluh te nen chuan $tld 1 a chuang tawh a ni.
Black Panther hi $700 million club an tih mai, Box Office aṭanga $mtd 700 lalut thei film pathumna a ni a, 'Star Wars : The Force Awakens' leh 'Avatar' te hnung a zui a ni.