MuchMusic Award-ah Shawn Mendes a langsar
iHeartRadio MuchMusic Award chu Pathianni zan khan Toronto, Canada-ah sem a ni a, khawtual tlangval Shawn Mendes a langsar hle. Mendes hi award dawng thei turin category pakua-ah chawpchhuah niin, award pali a hum haw a ni.
Mendes show!
Canadian singer Shawn Mendes hian award ngaihlut - Best Pop Artist leh Artist of the Year award te a dawng a, mipui vote hmanga thlan fan fave artist leh video te a la bawk. Award ceremony hi Pop singer Mendes tan chuan show ropui ani ringawt mai a, show a khuhhawn bakah kharna a nei cheu bawk. A hla hit 'Lost in Japan' leh 'In My Blood' te chu a perform a, lawm a hlawh hle.
BTS bawk maw...
Asia khawmualpui an deng chhuak a, tunah chuan khawvel mit hmuhah an inpho chhuak tawh. Korean Boy Band BTS hian MuchMusic Award-ah hian Fan Fave Duo/Group award an la a ni. Khawvel huap pawh nise BTS hi an lan tawh chuan award pakhat tal an hum haw deuh ziah a, tun ṭumah pawh hian an ze ngai an chhuah leh ta a ni.
Chawimawina dawngtu zingah hian Drake chu a langsar viau bawk a, award pahnih a hum haw. Bebe Rexha, Selena Gomez, Ed Sheeran leh DJ Marshmello te an langsar viau bawk.
MuchMusic Award Winner
Best Pop Artist or Group - Shawn Mendes
Best EDM/Dance Artist or Group - Marshmello
Best Hip Hop Artist - Drake
Best Rock/Alternative Group - Imagine Dragons
Director - Karena Evans
Single of the Year - Ed Sheeran 'Perfect'
Artist of the Year - Shawn Mendes
Fan Fave Artist - Shawn Mendes
Fan Fave Duo or Group - BTS
Fan Fave New Artist - Kris Wu