Girls' Generation an inlar leh dawn

South Korean girl group, Girls’ Gene­ra­tion chuan fan te hrilh hai tak awm tir reng an tum lo a, thla thar hian album an tichhuak dawn.

SM Entertainment chuan member panga awmna Girls’ Generation - Oh!GG hian September hian album an tichhuak dawn tih nimin khan an puang a ni. Member erawh an kim dawn lo a, mi panga chauh an ni dawn. An hmingah pawh Girls’ Generation - Oh!GG an invuah a, September 5 hian single hmasa ber 'Lil' Touch' chu an tichhuakdawn a ni.

Girls’ Generation hi kum 2007 khan an indin a, a tirah chuan mi pakua an ni. Kum 2014 khan Jessica chuan a chhuahsan a, nikum khan Tiffany, Sooyoung leh Seohyun te chuan SM Entertainment nena an contarct an titawp ve bawk. Chutih rual chuan original member hi mi pariat an la ni a, Oh!GG bikah hian SM Entertainment nena contract nei member panga te hi an awm a ni.

Girls' Generation hian nikum khan an album hnuhnung ber 'Holiday Night' chu an an lo tichhuak tawh a ni.