Tuipui mak leh dangdai - Gulf of Alaska

Mithiam te chuan khawvel hmun thuma ṭhena hmun hnih zet hi chu tuipuin a khuh an ti a, hmun khat vel chauh chu khawmual a ni. Tuipuiin a hual vel khawmualah mah thil mak leh dangdai hmuh tur a awm chuan tuipuiah phei chuan hmuhchhuah leh la hmuhchhuah loh thil mak dangdai tak tak a awm ngei ang tih a rinawm.

Gulf of Alaska hi mi­hringin tuipui an tlawh­pawh leh zir chian tawhah chuan mak leh danglam ber zinga mi a ni ngei ang. North Pacific Ocean huam chhunga awm niin, US leh Canada hnaiha awm a ni. He tuipui hian rawng chi hnih a nei a, a var lam deuh leh a dum pawl lam deuhin a inṭhen. Hei hi a chhan chu vur tui lo kal leh tuipui tui infin vang a ni a, an infin mai theih loh avangin an lan dan pawh hi a dang lam ta a ni.

Vur tui luang lut hi a varin a lang a, tuipui tui erawh a lang dum thung a ni. Tui hi a sakhat dan a inan loh avangin a infin mai thei lo a, rawng chi hnihin a lan phah ta niin, mithiam te chuan an sawi.