Vinnie Paul thih chhan lung na

American metal band, Pantera-a an drummer Vinnie Paul chu June 22 khan kum 54 mi niin a thi a, a thih chhan hi puanzar a ni lawk lo. Test chi hrang hrang neih a nih hnuah lung na vanga thi a nih thu Thawhṭanni khan tarlan a ni. Clark County Coroner John Fudenberg chuan Vincent Paul Abbott kha lug natna chi khat cardiomyopathy vanga thi a ni, a ti. Vinnie Paul hi a chenna Las Vegas-ah thia hmuh a ni a, a mu hlum nia tarlan a ni. A thih chhan hi zir chhian a nih hnuah lung lam natna vang a nih thu nemngheh a ni ta a ni.

Vinnie Paul hi Pantera dintu zinga mi niin, kum 1981 khan a unaupa Dime­bag Darrell nen an din a ni. American heavy metal band hi kum 2003 khan a chhuahsan a, hemi kum vek hian Dimebag Darrell nen Damageplan an din leh a ni. Rock music huangah chuan hriat hlawh ber pawl a ni a, kum upa lo takin khawvel a chhuahsan ta a ni.