YouTube-a thlirtu tld 10 nei tling thei 'Baby Shark'

Naupang hla, nau awmna ni pahfawma YouTube-a hmehchhuah hlawh tak Pinkfong 'Baby Shark' chuan YouTube-ah mellung pawimawh tak a phum a, 10 billion views a nei tling der tawh!

January 13 khan hetiang zat thlirtu hi a nei tling a, YouTube chanchinah hetiang em ema thlirtu tam video hi an la awm ngai lo. 'Baby Shark Doo Doo Doodoo Doodoo' tih hla mi tam rilruah a lo cham reng ṭhin pawh hi a mak lo e, hetiang zat zat hi YouTube-ah thlir a hlawh miau alawm.

South Korean educational enter-tainment firm Pinkfong-in an tihchhuah 'Baby Shark' hi kum 2016 khan an tlangzarh a, a zaitu ber hi Korean-American singer Hope Segoine niin nikum November thla khan YouTube-ah thlirtu tld 7.04 a nei tling tawh a, khatih hunlai khan YouTube-a video thlir hlawh ber record a lo ni tawh nghe nghe. YouTube-a thlirtu tld 10 a neih hnu hian Pinkfong chuan a lawmna atan ram hrang hranga naupangte chu 'Baby Shark Dance moments' 'share' turin an ngen zui a ni.

He video hi an tihchhuah tirh aṭang khan miin an lawmin an en nasa nghal hle a, Kum 2019 kum tirah phei kha chuan Billboard Hot 100-ah 32-na a ni hial. Mi lar tak tak pawhin an lo cover tawh nghe nghe a, Bebe Rexha, John Legend leh Celine Dion-te pawh cover-tu zingah hian an tel a ni.