Apple Music-in Brian Bumbery an ruai dawn

Music streaming ser­vice lian leh lar ber tih ngam Apple Music chuan Brian Bumbery chu director of publicity atan an ruai dawn.

Veteran music publi­cist Brian Bumbery hian PR firm, BB Gun Press chhuahsanin Sep­tember thla hian Apple hi a zawm dawn a ni.

BB Gun Press hi kum 2011 khan din niin, Bum­bery hi an mi pawi­mawh ber zinga mi a ni. Bumbery hian Metallica, Madonna leh Green Day te pawh a lo thawhpui tawh a, BB Gun Press tan chuan channa nasa tak a ni ngei ang.

Apple chuan Bumbery an thawhpui thei tur chu lawmawm an tih thu an sawi a, company ṭhan len zelna turah mi ṭangkai tak a nih an beisei thu an sawi.

Apple Music hi kum 2015 aṭanga kalpui ṭan chauh ni mah se an ṭhang­chak hle a, tunah chuan music huanga streaming service lian ber pawl an ni der tawh. Apple CEO Tim Cook chuan tunhnai kum rei lo te chhungin nasa takin an ṭhang tih sawiin, subscriber pawh mi maktaduai 50 chuang an nei tawh tih a sawi.

Hetih lai hian Swedish company Spotify chu North America-a music streaming service lian ber an ni a, Apple Music hian an el ve mek a ni.